به‌روارى بالا - ئه‌حمه‌د ئه‌دنى / شمعون زيا گورگيس كرستيانه‌كێ گوندێ چه‌لكێ يه سه‌ر ب ده‌ڤه‌را كانى ڤه به‌رهه‌ڤيا بو مرنا خو دكه‌ت يێ مژيلێ كولانا قه‌برێ خو يه د كه‌ڤره‌كێ ل ته‌نشت دێرا مار موشێ ل گوندێ چه‌لكێ .
شمعون بو ده‌زگه‌هێن راگه‌هاندنێ گوت من دڤيا كاره‌كێ وه‌سان بكه‌م وه‌ك ئاره‌زويه‌ك و ديسان كاره‌كێ كێم وێنه بيت و دا جهێ گورێ خو مسوگه‌ر بكه‌م و لڤێ جهێ ئستراتيجى يێ گوزارى بهێمه ڤه‌شارتن ، من وه‌سيه‌ت ژ مروڤێن خو كريه هه‌ر جهێ لێ بمرم من د ڤێ گورى دا ڤه‌شێرن، شمعون زيا گورێ خو بشيوازه‌كێ ئه‌ندازيارى ب كيراتيا ئێك مه‌تر و بيست سم هه‌مێ د به‌رێ كولايه و سه‌ر ده‌رێ قه‌برێ چارچوڤه‌كێ ئاسنێ دا‌نايه ژ بو هندێ دا بانێ وى ب پليت و ئاسنى بگريت .
لدور كارێ شمعوني كري و ژ ئاليێ ئاينى ڤه قه‌شه وليه‌م قه‌شێ روژهه‌لاتێ ده‌ڤه‌را به‌روارێ بالا گوت ئه‌ڤه نه كاره‌كێ باشه و دين رێكێ بو ڤێ چه‌ندێ ناده‌ت چونكو كه‌س نزانيت دێ چوان و ل كيرێ و كه‌نگێ مريت هه‌ر كه‌سێ ڤى كارى ئه‌نجام بده‌ت ل ده‌ف خوداى يێ گونه‌هـ كاره ، ديسان قه‌شه گوت بتنێ ئه‌ڤ كاره كريه دا ل جڤاكى ب ناڤ و ده‌نگ بكه‌فيت خو بو ديروكى بده‌ته نياسين.
مالپه‌رێ ده‌ڤه‌را ئامێديێ
Keine Kommentare:
Kommentar veröffentlichen